ئمام مه‌هدی (س) دكورت نێرینه‌كی دا



ئاخرین ئمامێ په‌یره‌وێن ئه‌هلێ به‌یتێ و جیگرێ دازدێ یێ ره‌سوولێ خودێ (ص) سپێده‌یا رووژا ئینیێ، نیڤێ شه‌عبانا سالا 255 ھ‌. ھه‌‌یڤی [868 م.] ل سامریێ [باژاره‌ك یێ عراقێ] چاڤێ خوه ‌ل دنیایێ ڤه‌كر.

بابێ وی یێ گرانقه‌در، ئمامێ یازدێ یێ ئه‌هلێ به‌یتێ حه‌زره‌تێ ئمام حه‌سه‌نێ عه‌سكه‌ری یه‌ (س) و ده‌یكا وی حه‌زره‌تی ژی خانمه‌ك به‌ركه‌تی بناڤێ «نه‌رجس» بوویه‌ كو ده‌رحه‌ق ملیه‌تا وێ دا روایه‌تێن موخته‌لف هه‌نه. گووره‌كی روایه‌ته‌كی ئه‌و كه‌چا «یه‌شووع» كورێ ئمپراتوورێ روومێ یه، ده‌یكا وێ ژی ژ زوریه‌تا «شه‌معوون (س)» وه‌صی یێ حه‌زره‌تێ عیسا یه‌(س). گووره‌كی ڤێ روایه‌تێ «نه‌رجس» پشتی دیتنا خه‌ونه‌ك عه‌جێب موسلمان دبێ و پێ رێ نیشان دانا ئمام عه‌سكه‌ری (س) كه‌ت گه‌ل عه‌سكه‌رێ روومێ كو ژ شه‌رێ د‌ گه‌ل موسلمانا را هاتبین و د‌ گه‌ل كومه‌كی ب ده‌ستێ موسلمانا هاتن ئه‌سیر كرن. ئمام هادی (س) كه‌سه‌ك رێكر ئه‌و كری و ئانی سامرایێ.[i]

روایه‌ته‌ك دی ژی ھاتیه‌ نه‌قل كرن.[ii] لێبه‌لێ یا موهم ئه‌ڤه‌ كو حه‌زره‌تێ نه‌رجس (س) زه‌مانه‌كی د مالا حه‌كیمه‌خاتوونێ د‌ا بویه‌ –خویشكا ئمام هادی (س)– و كه‌تیه ‌بن ته‌ربیا وێ دا و جهێ ئحترامێ بویه‌ ژ حه‌كیمه‌خاتوونێ را (س).

حه‌زره‌تێ نه‌رجس (س) ئه‌و خانمه‌ كو پێشیا هنگێ دا ل سه‌ر زمانێ ره‌سوولێ خودێ (ص) [iii] و میرێ باوه‌رداران (س)[iv] و ئمامێ صاد‌ق(س)[v] مه‌دحێ وێ هاتبی كرن و په‌صنێ وێ هاتبی دایین و بناڤێ باشترین كنیژ و سه‌روه‌رێ وان ژێ هاتبی ئاخفتن.

جیێ گووتنێ یه ‌ناڤێن وه‌ك: سووسه‌ن و ریحانه ‌و مه‌لیكه‌ و صه‌یقه‌ل ژی ژ ده‌یكا ئمام زه‌مان را (س) بكار هاتنه‌ برن.

ناڤ، كونیه ‌و ئه‌لقاب

ناڤ و كونیا[vi] ئمام زه‌مان (س) هه‌ما ناڤ و كونیا ره‌سوولێ خودێ یه‌ (ص) و د هنه‌ك روایه‌تا دا حه‌تا زه‌مانێ زاهر بوونێ برنا ناڤێ وی ھاتیه‌ نه‌هی كرن.

له‌قه‌بێن (نازناڤ) مه‌شهوورێن ئه‌وی حه‌زره‌تی ئه‌ڤن: مه‌هدی، قائم، مونته‌زه‌ر، به‌قیه‌توللاھ، حوججه‌ت، خه‌له‌فێ صالح، مه‌نصوور، صاحبول ئه‌مر، صاحبو ززه‌مان و وه‌لی یێ عه‌صر، كو مه‌شهورترینێ وان مه‌هدی یه. هه‌ر یێك ژ ڤا نازناڤا نیشانده‌رێ په‌یامه‌ك تایبه‌ته ‌ده‌رحه‌ق وی دا.

ژێ را «مه‌هدی» ھاتیه‌ گووتن چكو ئه‌و هدایه‌ت بوویه‌كه ‌كو خه‌لكێ ژ حه‌قی یێ را گازی دكێ و «قائم» ھاتیه‌ گووتن چكو ژ حه‌قی یێ را قیام دكێ و رادبێ «مونته‌ظه‌ر» ھاتیه‌ گووتن چكو هه‌ركه‌س هێڤیا هاتنا وی یه ‌و «به‌قیه‌ته‌‌الله» ھاتیه‌ گووتن چكو مایی یێ حوحجه‌تێن ئلاهی و ئاخرین زه‌خیرا خودایی یه. «حوججه‌ت» ب مه‌عنا شاهدێ خود‌ا یه‌‌ ل سه‌ر خه‌لكێ و «خه‌له‌فێ صالح» ب مه‌عنا جیگرێ قه‌نجه ‌ژ وه‌لیێن خودا را. ئه‌و «مه‌نصووره» چكو ژ ئالیێ خوداڤه ‌ئاریكاریا وی تێ كرن و «صاحب الأمر»ه ‌چكو دانینا حوكمه‌تا ئلاهی ب هێڤیا وی ڤه‌یه ‌و «صاحب الزمان و وه‌لی یێ عه‌صر؛ ژی ب ڤێ مه‌عنایێ یه‌ كو ئه‌و حاكم و فه‌رمانده‌یێ زه‌مانه.

چه‌وانی یا ژ داییك بوونێ



1 2 3 next