ده‌ما سته‌م لێ ببويا

ده‌ما سته‌م لێ ببويا

وَكانَ مِنْ دُعائِهِ عَلَيْهِ السَّلامُ إِذَا اعْتُدِىَ عَلَيْهِ أَوْ رَأى مِنَ الظّالِمينَ ما لايُحِبُّ

ژ دوعايێن ویيه‌ سه‌لام لێ بن ده‌ما زێده‌گاڤێ ده‌رحه‌ق وی دا دھاتا کرن ئان نه‌حه‌زی ژ زالمان بدیتا

یا خودا، ئه‌ي ئه‌وێ کو خه‌به‌رێن زولم لێبويیيان ل به‌ر وی نه‌ڤه‌شارتی و د مه‌سه‌لا وان دا نه‌ موحتاجێ شاھدیيا شاھدان، ئه‌ي ئه‌وێ ئاریکاریيا وی ژ سته‌مدیتیيان را نێزیک و سته‌مکار ژ پشته‌ڤانیيا وی دورکه‌تین، ئه‌ڤه‌ تو دبینی فلانێ کورێ فلانکه‌سێ چه‌وا ژ به‌ر قه‌نجیيا ته‌ لێ کری حێچ بويه‌،گوھ نادێ نه‌ھيێن ته‌ و ئه‌و تشتا ته‌ نه‌ھی ژێ کری ب سه‌رێ من دا ئانیيه‌ و حه‌قێ من يێ کو حه‌قێ وی نه‌بی ژ ناڤ ببێ ژ ناڤ بريه‌.

يا خودا، ڤێجا تو صه‌له‌واتێ Ù„ موحه‌ممه‌د Ùˆ ئالێ ÙˆÛŒ ببارینه‌ Ùˆ ب خۆڕتیيا خوه‌ پێشيێ Ù„ زولما زالم Ùˆ دوژمنێ من بگره‌ Ùˆ ب کارینا خوه‌ دژواری Ùˆ تیژيا ÙˆÛŒ Ú˜ من را Ú©ÙˆÚ¾  بکه‌؛ مژوولاھیيه‌کی گوورا ÙˆÛŒ ژێرا چێکه‌ Ùˆ ئه‌وی Ù„ به‌رابه‌رێ دوژمنێ ÙˆÛŒ دا نه‌کار بکه‌

ئلاھی، صه‌له‌واتێ ل موحه‌ممه‌د و ئالێ وی ببارینه‌ و ژێرا لھه‌ڤ نه‌ينه‌ کو زولمێ ل من بکێ؛ د دژێ وی دا ئاریکاریيه‌‌ک باش ژ من را بکه‌؛ من دوور بگره‌ ژ کريارێن وه‌ک يێن وی و وه‌زع و حالێ من وه‌ک يێ وی لێ نه‌که‌.

يا خودا، صه‌له‌واتێ بده‌ موحه‌ممه‌د و ئالێ وی و پێ ئاریکاریيا خوه‌ يا حازر د به‌رابه‌رێ وی دا وه‌ره‌نگ پشته‌ڤانيا من بکه‌ کو که‌رب و کین و غه‌زه‌با من ژ دلێ وی ده‌رکه‌ڤێ و خلاس ببێ. ئلاھی، صه‌له‌واتێ ل موحه‌ممه‌د و ئالێ وی ببارینه‌ و شوونا زولما وی دا لێبوورینا خوه‌ بده‌ من و ره‌حمه‌تا خوه‌ ژ من را ده‌ينه‌ د جیيێ کارێ وی يێ خراب دا، ھه‌می نه‌خوه‌شی ل به‌رابه‌رێ نه‌رازیبوونا ته‌ دا کێمن و موصیبه‌ت و به‌لا ل به‌رابه‌رێ غه‌زه‌با ته‌ دا ھێسان و رحه‌تن. يا خودا، چه‌وا کو ته‌ زولم لێبوون ل من نه‌خوه‌ش ئانيی ب وی شکلی زولم کرنێ ژی ل من نه‌خوه‌ش بکه‌. ئلاھی، ئه‌ز ژ ته‌ پێڤه‌ شکايه‌تا خوه‌ نابم بال که‌سی و خێنجی ژ ته‌ ئاریکاريێ ژ چ حوکومداران ناخازم، تو پاقژی ژ کێماسیيان ڤێجا صه‌له‌واتێ ل موحه‌ممه‌د و ئالێ وی ببارینه‌ و دوعا من ب قه‌بولبوونێ ڤه‌ گرێ بده‌ و گوھه‌رینێ بێخه‌ شکايه‌تا حالێ من. یا خودا، من پێ بێ ھێڤیبوونا ژ عه‌داله‌تا خوه‌ و وی ژی پێ ئێمناھیيا ژ به‌ر ئنکارا خوه‌ نه‌جه‌ربینه، دا ڤێجا ده‌وامێ بدێ زولما خوه‌ و حه‌قێ من ژ من ڤه‌گرێ؛ ئه‌وی پێ بحه‌سینه‌ کا ته‌ چ سووز دايه‌ زالمان، من ژی ئاگاھ بکه‌ ژ وێ سووزا ته‌ دايی کو تو جه‌وابا به‌له‌نگازان ددی. يا خودا، صه‌له‌واتێ ل موحه‌ممه‌د و ئالێ وی ببارینه‌ و ژ من را لھه‌ڤ بینه‌ کو وێ يا ته‌ ژ فه‌يدا من و د زه‌ره‌را من دا ته‌قدیر کری قه‌بوول بکم و رازی بم ب وێ يا ته‌ دايی من و ژ من ڤه‌گرتی؛ و من رێنموونی بکه‌ ژ يا باشتر را و د يا بێ به‌لاتر و سالمتر دا ژی ئه‌ندامێن من بێخه‌ کار.

ئلاھی، ئه‌گه‌ر خێرا من د وێ دا بێ کو تو يا فه‌يدا من تێدا نه‌گری و حه‌تا رۆژا جداھیيا دورستی و نه‌دورستیيێ (رۆژا قيامه‌تێ) تو حه‌يفا من ژ يێ زالم ھلنه‌دی و توولا من ژێ نه‌گری، ھنگێ تو صه‌له‌واتێ ل موحه‌ممه‌د و ئالێ وی ببارینه‌ و من خۆڕت بکه‌ ژ وێ يێکێ را کو ئه‌ز نیيه‌تا خوه‌ ده‌رحه‌ق ته‌ دا راست و دورست بکم و صه‌بره‌ک به‌رده‌وام بده‌ من و من پاشدا بده‌ ژ ڤیيانا خراب و کولبووتیيا حه‌ریصان؛ دلێ من ببه‌ وێ خێرا ته‌ ژ من را زه‌خیره‌ کری و وی عه‌زاب و جه‌زايێ ته‌ ژ دوژمنێ من را حازر کری، ئه‌ڤێ يێکێ ژی بکه‌ سه‌به‌بێ رازیبوون و باوه‌ريا من ب وێ يا ته‌ ژ من را خوه‌ستی و بژارتی. ئامین يا ره‌ببه‌ل عاله‌مین، ھه‌ما براستی تو خوه‌يێ که‌ره‌ما پری و ھه‌ر تشت ژ ته‌ تێ.