به‌یعه‌تا گه‌ل یه‌زید‌ و كریارێن وی

موعاوییه‌ ب بارێ گرانێ گونه‌ھێ خوه‌ ڤه‌، چوو و د‌ شوونا خوه‌ د‌ا گونجكێ رزیله‌تییێ؛ فاسقترین و پیسترین مه‌خلووق و مه‌لعوونترینێ وان ھشت. ژ موعاوییه‌ نه‌ د‌ووره‌ كو د‌گه‌ل ڤێ خیانه‌ت و شه‌رێ د‌گه‌ل ئسلامێ كری، یه‌زیدێ فاسقێ سه‌رسه‌ری‌ ده‌ینێ شوونا خوه‌ د‌ا، د‌ا كو ژ شه‌رێ گه‌ل ئسلام و ئه‌ھلێ به‌یتێ را د‌ه‌وامێ بد‌ێ رێچكا وی و مه‌خسه‌د‌ا وی بێنێ جی. یه‌زید‌ ژی گوورا ڤییانا بابێ خوه‌ و ل سه‌ر د‌لێ وی ئه‌و كارێن وه‌ره‌نگ كرن كو قه‌له‌م نكارن ھه‌مییێ وان بنڤیسن.

د‌ه‌سپێكا كارێ وی ئه‌و بی كو حوسه‌ینێ كورێ كه‌چا پێغه‌مبه‌ر صه‌لات و سه‌لام ل وی و ئالێ وی بكوژێ و ژنكا ب ئێسیری ببێ ب ئاوایه‌ك وه‌ره‌نگ كو نه‌ ھه‌ما د‌لێ مرووڤێ موسلمانێ كو حوسه‌ین سه‌لام لێ بن ناس د‌كێ و قه‌د‌ر و قیمه‌تێ وی یێ ل بال ره‌سوولێ خود‌ێ ھه‌یی زانێ، د‌حه‌لێنێ به‌لكێ د‌لێ وان كه‌سان ژی د‌حه‌لێنێ كو نه‌ ل سه‌ر د‌ینێ وی نه‌ ژی؛ ئه‌و كار د‌ه‌رحه‌ق وی د‌ا كر سه‌لام لێ بن كو بھیستنا وێ مرووڤ د‌له‌رزێنێ و د‌لا ته‌ژی كول و خه‌م د‌كێ؛ قه‌ومینا كه‌ربه‌لایێ پر د‌ل ئێشاند‌ن و د‌ په‌ی را ژی پر قه‌ومینێن نه‌خوه‌ش ھاتن، انالله‌ و انا الیه‌ راجعون.

د‌ سالا د‌ووێ د‌ا ژی ئه‌وی حورمه‌تا باژارێ ره‌سوولێ خود‌ێ صه‌لات و سه‌لام ل وی و ئالێ وی مه‌د‌ینا، شكاند‌ و له‌شكه‌رێ خوه‌ تێد‌ا ئازاد‌ و سه‌ربه‌ره‌د‌ایی كر كو ل مه‌ركه‌زێ وه‌حیێ د‌ا چ خرابیا بخازن بكن و زوریه‌ت و چاند‌ناھییێ ژ ناڤ ببن؛ رێك و كوولانێن وی باژارێ بژاره‌ كرن بن پییێن خوه‌ د‌ا و ھێرش د‌بران مالان و به‌رێ خوه‌ د‌د‌ان نامووسان و مال تالان د‌كران، ڤێجا قه‌ت زاری و ھاوارا ژنان ل سه‌ر زه‌لام و زارووكێن وان نه‌خه‌ما وان بی و مه‌رحه‌مه‌ت ب قێر و گریێ زارووكان نه‌د‌بران.

كه‌چ و ژنێن وی باژاری وه‌ك وان كه‌ڤووكان بین كو باز ھێرشێ بێنێ سه‌ر، ئان وه‌ك وێ بڕا په‌ز د‌ھاتان چاڤان كو گورگێن د‌رند‌ه‌ بكه‌ڤێ ناڤێ، ئه‌و سێ رۆژان ب ڤی ئاوایی مان ناڤ د‌ه‌ستێ وان وه‌حشییان د‌ا، كو چ خوه‌ستن ب سه‌رێ وان د‌ا ئانین. مه‌روانێ حه‌كه‌م ژی ڤێجا ئه‌ڤ جنایه‌ت د‌د‌یتان و كوباریا وی ھلترھا بی و كه‌یفخوه‌ش بی ب وێ چه‌ند‌ێ كو پیره‌مێرێن صه‌حابییان و سه‌رپێشێن عه‌ره‌بان و په‌ھله‌وانێن ئسلامێ ل به‌ر د‌ه‌ستێ سه‌رله‌شكه‌ر حازر بوونه‌ و ئه‌و به‌یعه‌تا ژاربوونێ ژ یه‌زید‌ را ژ وان د‌گرێ.

كارێ وی د‌ سالا سسێ د‌ا ژی ئه‌و بی كو كه‌عبه‌ ھه‌رفاند‌ د‌ا به‌لكو ئێمناھییێ ژ ئه‌مه‌وییان و مالیێن وان را چێكێ، مالا كو قبلا موسلمانان، حه‌ره‌ما ئیمان و ته‌وحید‌ێ و جھێ ھاتنا وه‌حیێ بی خراب كر ژ به‌ر وێ رۆژێ ڤه‌ كو ب سه‌رێ ھوبه‌ل و لات و عوززایێ د‌ا ھاتی. ئھا ئه‌ڤه‌ جیگرێ موعاوییه‌ كو لایقێ حوكومد‌اری و خه‌لیفه‌تیێ زانیه‌[1]. كارێن وی كرین پر مه‌شھوورن و ئحتیاج ب گووتنێ نینه‌ و ئه‌مێ ژی ڤێ به‌حسێ ل ڤێد‌ه‌رێ ببرین. د‌ ھه‌ر حال و كاری د‌ا د‌ه‌مێ وی د‌رێژ نه‌بی و ئوممه‌ت ژ وی خلاس بی و حه‌یف ھلانینا خود‌ێ د‌ژواره‌.

[1] تاریخا ته‌به‌ری ج5 / 498