گرێدانا دوبه‌ره‌كیا ئیمان و عه‌مه‌ل

گرێدانا دوبه‌ره‌كیا ئیمان و عه‌مه‌ل

پێشه‌كی

حه‌تا نھا مه‌ زانی كو عامل و وه‌سیلا ئه‌صلی د به‌خته‌وه‌ری و به‌ختره‌شیا ئه‌به‌دی و ھه‌ر و ھه‌ر دا ئیمان و كوفره‌ و به‌خته‌وه‌ریا ھه‌ر و ھه‌ر ب ئیمانا جیگرتی ڤه‌ تێ؛ ھه‌رچه‌ند گونه‌ھ كرن دبێ سه‌به‌بێ عه‌زابێ مه‌حدوود. و ژ ئالیێ دی ڤه‌ ڤێجا به‌ختره‌شیا ھه‌ر و ھه‌ر ژی ب كوفرا جگرتی ڤه‌ تێ و دگه‌ل ھه‌بوونا كوفرێ قه‌ت چ كارێ قه‌نج نابن سه‌به‌بێ به‌خته‌وه‌ریا ئاخره‌تێ.

ھه‌ر وھا مه‌ ئشاره‌ كر بال ڤێ چه‌ندێ ڤه‌ كو ئیمان و كفر قه‌وی بوون و زه‌عێفی ژێره‌ ھه‌یه‌ و چێدبێ كرنا گونه‌ھێن زه‌حفی یێن مه‌زن ئیمانێ ژناڤ ببێ. ھه‌ر وھا كرنا كارێن قه‌نج ره‌ھ و ریشێن كوفرێ زه‌عێف دكێ و چێدبێ كو رێكێ ژ ئیمانێ را ڤه‌كێ.

ژ ڤێ ده‌رێ موھمیا پرسیارا ده‌رحه‌ق په‌یوه‌ندا ئیمان و عه‌مه‌ل دا رووناھی دبێ و د ڤێ ده‌رسێ دا ئه‌مێ ڤێ ده‌رحه‌قێ دا باخڤین.

په‌یوه‌ند و گرێدانا ئیمانێ گه‌ل عه‌مه‌ل و كریارێ

ژ گووتنا پێشدا رووناھی بوو كو ئیمان حالته‌ك رووحی یه‌ كو مایا وێ ژ زانین و په‌ی كه‌تنێ ھاتیه‌ گرتن و لازما وێ ئه‌وه‌ كو مرووڤێ خوه‌ی ئیمن بریاره‌ك گشتی ھه‌بێ كو ب وێ یا لازمێ ئیمانا خوه‌ عه‌مه‌ل بكێ.

ڤێ گووره‌كێ ئه‌گه‌ر كه‌سه‌ك ژ حه‌قیقه‌ته‌كی خه‌به‌رداره‌ لێبه‌لێ بریار دایه‌ كو قه‌ت چ وه‌ختی ب چ یێك ژ له‌وازم و پێڤه‌ گرێدایی یێ وێ عه‌مه‌ل نه‌كێ، ئه‌وی ئیمان ب وێ تشتێ نینه‌. حه‌تا ئه‌گه‌ر د شكێ دا بێ كو ب وان عه‌مه‌ل بكێ ئان نه‌كێ دیسا ئه‌وی ئیمان نه‌ئانیه‌. قورئان دبێژێ: « قَالَتِ الْأَعْرَابُ آمَنَّا قُل لَّمْ تُؤْمِنُوا وَلَكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ وَإِن تُطِيعُوا اللَّهَ وَرَسُولَهُ لَا يَلِتْكُم مِّنْ أَعْمَالِكُمْ شَيْئًا إِنَّ اللَّهَ غَفُورٌ رَّحِيمٌ - (كوومه‌كی) ژ چوولیان گووتن: مه‌ ئیمان ئانیه‌. بێژزه‌ (ئه‌ی پێغه‌مبه‌ر) ھه‌وه‌ ئیمان نینه‌، لێ بێژن مه‌ ئسلام ئانیه‌. و ھێجا ئیمان نه‌كه‌تیه‌ دلێ ھه‌وه‌» (حوجورات / 14).

لێ ئیمانا راستی ژی مه‌رته‌به‌ و ده‌ره‌جێن وێ ھه‌نه‌. و نه‌ وه‌ره‌نگه‌ كو ھه‌می مه‌رته‌بێن وێ بكێ لازمێ خوه‌ كو ب ھه‌می له‌وازمێ وێ عه‌مه‌ل بێ كرن. چێدبێ حالاتێن شه‌ھه‌وانی و غه‌زه‌بی مرووڤێ ئیمان زه‌عێف ب ئالیێ گونه‌ھ و نه‌گوھداریێ ڤه‌ پال بدێ، لێ نه‌ ب ئاوایه‌كی كو بریارێ بدێ دائم گونه‌ھان و موخاله‌فه‌تا له‌وازمێن ئیمانا خوه‌ بكێ. ئه‌لبه‌ت چقاس ئیمان قه‌ویتر و كاملتر بێ ئه‌سه‌ره‌ك پتر ھه‌یه‌ ژ كرنا كارێن رێك كه‌تی و موناسب دگه‌ل ئیمانێ.