پێغه‌مبه‌رێ ئسلامێ

ئسباتا رساله‌تا پێغه‌مبه‌رێ ئسلامێ
پێشگووتن

د ده‌م و ده‌ورێن موخته‌لفێ تاریخ و ل جی و وارێ جووربجوورێ جیهانێ دا ب ده‌هان هه‌زار پێغه‌مبه‌رێ ئلاهی هاتن هنارتن، و رولا خوه‌ یا به‌رکه‌فتی بو هدایه‌ت و ته‌ربیه‌تا ئنسانا پێک ئانین و ئه‌سه‌رێن پیرووز د ناڤ جڤاک و جامعه‌یا به‌شه‌ری دا میرات دانین. هه‌ر یێک ژ وان، ل سه‌ر ئه‌ساسا باوه‌ریا دوروست و نرخێن پیرووز، کومه‌ک رێنموون و ته‌ربییه‌ کرن و ب ئاوایێ نه‌موسته‌قیم ته‌ئسیرێ ل یێن دی ژی کرن. و هنه‌ک ژ وان کارین کو جڤاکه‌ک ته‌وحیدی و عادلانه‌ پێک بینن و ئه‌وێ بدومینن (رێبه‌رییا وێ بگرن ده‌ست).

د ناڤبه‌ینا وان دا، حه‌ضره‌تێ نووح و حه‌ضره‌تێ ئبراهیم و حه‌ضره‌تێ مووسا و حه‌ضره‌تێ عیسا (سه‌لامێن خودێ ل وا بن) ژ ئالی خودایێ ته‌عالا کتێبێن کو هه‌می ئه‌حکام و قانوونێن فه‌ردی و جڤاکی و وه‌زیفه‌یێن ئه‌خلاقی و قانوونێن کو ژ وی زه‌مانی ره‌ ره‌وا بوون به‌یان دکر، پێشکێش و به‌رده‌ستێ جڤاکێ کرن. لێ به‌لێ ئه‌ڤان کتێبان هه‌ڤرێ دگه‌ل بوورینا زه‌مانێ بته‌مامی ژناڤ چوون، یان ژی که‌تن به‌ر ته‌حریفێن له‌فزی و مه‌عنه‌وی؛ و سه‌رئه‌نجام، ئایین و شه‌ریعه‌تێن ئه‌سمانی ره‌نگێ مه‌سخ بوویی ل خوه‌ گرتن (و شه‌کلا خوه‌ یێن راستی ژ ده‌ست دان). چه‌وا کو ته‌ورات یا حه‌ضره‌تێ مووسا (س) ڤه‌نه‌ما، به‌لکی ژ ده‌ستنڤیسێن هنه‌ک ژ په‌یره‌وێن وی حه‌زره‌تی به‌رهه‌مه‌ک هات به‌رهه‌ڤ کرن و ب ناڤێ «کتێبا پیرووز» هات به‌لاڤ کرن.

هه‌چی که‌سێ ب دلصافی به‌رێ خوه‌ بدێ «عه‌هده‌ین» (ته‌ورات و ئنجیلێ) وێ پێ بحه‌سێ کو چ یێک ژ وان کتێبان نه‌ ئه‌ون یێن کو ژ مووسا و عیسا (س) را هاتین هنارتن؛ لێ ته‌ورات، ژ بلی ڤێ یێکێ کو خودایێ ته‌عالا ب شه‌کلێ مروڤه‌ک ددێ ناسین (په‌ناھ دبین بال خودێ) دیار دكێ کو ب گه‌له‌ک تشتا نزانێ و ژ هنه‌ک کارێ خوه‌ پوشمان دبێ و دگه‌ل یێکی ژ به‌نده‌یێن خوه‌ (حه‌ضره‌تێ یه‌عقووب) دگه‌مشێ (په‌هله‌وانیێ دکێ) و نکارێ سه‌رکه‌ڤێ و د ئاخریکێ دا ژێ ئلتماسێ دکێ کو ده‌ستا ژ وی بکێشێ، دا خه‌لک خودایێ خوه‌ د وی حالی ده‌ نه‌بینن. و ژ بلی نسبه‌تێن ناره‌وا کو بال پێغه‌مبه‌رێن ئلاهی ڤه‌ ددن، چه‌وا کو (په‌ناھ دبین بال خودێ) نسبه‌تا زنایێ ددن بال حه‌ضره‌تێ داووود (س) ڤه‌ و نسبه‌تا ڤه‌خارنا عه‌ره‌ق و نسبه‌تا زنایێ دگه‌ل مه‌حره‌مان ددن بال حه‌ضره‌تێ لووط (س) ڤه‌؛ ژ بلی ڤان هه‌میا بوویه‌را مرنا حه‌ضره‌تێ مووسا (س) یانی ئینه‌رێ کتێبا ته‌وراتێ شیروڤه‌ دکن کو چه‌وا و ل کووده‌رێ ژ دنیا چوو.

گه‌لو، هه‌ما ئه‌ڤان نوکته‌یان نه‌ به‌سن کو ئه‌م پێ بحه‌سین ئه‌و کتێب، نه‌ ژ بال حه‌ضره‌تێ مووسا (س) یه‌‌؟!

لێ ره‌وشا ئنجیل ژ ته‌وراتێ ژی رسواتره‌، چکو ئه‌وله‌ن تشته‌ک ب ناڤێ کتێبا کو ژ عیسا (س) را هاتی هنارتن تنه‌، ژخوه‌ فله‌ھ ب خوه‌ ژی ڤێ یێکێ ئددعا ناکن کو ئه‌ڤێ ئینجیلێ ھه‌ما ئه‌و کتێبه‌ کو خودا بو حه‌ضره‌تێ عیسا (س) هنارتیه‌؛ به‌لکی ناڤه‌رووکا وێ، ئاگاهیدانێن چه‌ندکه‌س ژ په‌یره‌وێن وی حه‌زره‌تی یه‌.

و ژ بلی ته‌جویزا ڤه‌خوارنا عه‌ره‌قێ، چێکرنا وێ ژ موعجزه‌یێن عیسا (س) دزانن.
ب کورتی، وه‌حیێن کو ژ بونا ئه‌ڤان پێغه‌مبه‌رێن بقه‌در نازل بوویی، هاتیه‌ ته‌حریف کرن و نکارێ رولا خوه‌ د هدایه‌تا خه‌لکێ دا پێک بینه‌.

لێ، کانێ چه‌وا و چره‌ ئه‌ڤان ته‌حریف و ده‌ستله‌یستنا هاتنه‌ مه‌یدانێ، چیروکێن دوور و درێژ هه‌نه‌ کو ل ڤێده‌رێ مه‌جالا شیروڤه‌ کرنا وان نینه‌.

ئه‌ڤه‌، شه‌شصه‌د سال پاش میلادا مه‌سیح (س) د وی حالی دا کو سه‌رانسه‌رێ جیهانێ د ناڤ طاریتی یا جه‌هل و نه‌زانی و زولمێ نوقی بووبوو و پێتالێن هدایه‌تا ئلاهی ل هه‌می سه‌رزه‌مینان دا دڤه‌مریان؛ خودایێ موته‌عال ئاخرین و سه‌راترینێ پێغه‌مبه‌رێن خوه‌ ل طاریترین و په‌ستپایه‌ترینێ جامعه‌یێن وی ده‌مێ دا هنارت؛ تا کو پێتال و مه‌شعه‌لا پر بشه‌وقا وه‌حیێ ژ هه‌ر و هه‌ر را بونا رێراستیا هه‌می مرووڤان بلند بکێ؛ و کتێبا ئلاهی یا جاویدان و دوور ژ ته‌حریف و گوهه‌رینێ به‌رده‌ستێ به‌شه‌ر بکێ و مه‌عارفێن حه‌قیقی و حکمه‌تێن ئه‌سمانی و ئه‌حکام و قانوونێن ئلاهی ب خه‌لکێ بدێ زانین و هه‌می ئنسانان به‌ره‌و به‌خته‌وه‌ریا دنیا و ئاخره‌تێ ڤه‌ رێبه‌ری و رێنموونی بکێ.

میرێ باوه‌رداران عه‌لی (س) د به‌شه‌ک ژ ئاخفتنا خوه‌ ده‌رحه‌ق ره‌وش و ئه‌حوالا جیهانێ دا ل وه‌ختێ زوهوور و ده‌ركه‌تنا پێغه‌مبه‌رێ ئسلامێ (س) وها که‌ره‌م دکێ:

«خودایێ موته‌عال، پێغه‌مبه‌ر (س) ل وی ده‌مێ دا هنارت کو گه‌له‌ک ل سه‌ر بعسه‌تا پێغه‌مبه‌رێن دی ره‌ بووری بوو؛ ده‌مه‌ک کوور و درێژ بوو کو خه‌لک د خه‌و دا بوون، فتنه‌ و شوره‌ش سه‌ری هلانی بوون و نه‌باشی به‌لاڤ بووبوون و هه‌می تشت ژ هه‌ڤ که‌تبوون. گوری یا شه‌ران هلبووبوو، رووناهی ل دنیایێ دا نه‌مابوو، طاریتی و نه‌زانی و گونه‌ھ دنیا گرتبوو؛ حیله‌ و خاپاندن ئه‌شکه‌ره‌ بووبوون. ل وی وه‌ختی دا به‌لگێن دارا ژیانا به‌شه‌ر زه‌ر بووبوون و که‌س نه‌به‌رهێڤیێ فێکیێ وێ بوو؛ ئاڤا وێ چک بووبوو (د عه‌ردێ دا چووبوو)؛ پێتال و نیشانێن هدایه‌تێ سار و ڤه‌مری بوون؛ ئالایێن ل رێ وندا بوونێ ئه‌شکه‌ره‌ بووبوون. په‌ستپایه‌تی و به‌ختره‌شیا دنیایێ ئێریش ئانیبوو سه‌ر خه‌لکێ و روویێ خوه‌ یێ کرێت ئه‌شکه‌ره‌ کربوو و مه‌عدێ خوه‌ گرتبوو ژ ئه‌هلێ دنیایێ؛ فێکیێ وێ فتنه‌ بوون و خارنا وێ گه‌نی و مرار بوو و خه‌لکێ کو ترس و بزدان ئه‌وا له‌فاندبوو په‌ناهگه‌هه‌ک خێنجی شوورێن خوونمژ نه‌ددیتان.